Қожалық жетекшілері бас қосты Аудандық Мәдениет үйінде «Қазақстан фермерлер одағы» облыстық филиалының төрағасы Жигули Дайрабаевтың қатысуымен жиын өтті. Жиынға жуалылық серіктестіктер мен шаруа қожалық жетекшілері, жеке кәсіпкерлер қатысты. Жиналғандар алдында аудандық мәслихаттың депутаты Керімқұл Бегалиев, ауыл шаруашылығы саласының ардагері Смайыл Көбесов сөз алып, шаруалардың атынан картоп өсіруге субсидия төленсе, тұқым сапалы болса, жанар-жағармай қолжетімді болса деген ұсыныстар айтылды.