Жаңатаста өткен жастар акциясы Жаңатаста «Сарысулықтар латын әліпбиіне көшуді қолдайды» атты патриоттық акция өтті. Акцияны аудан әкімінің орынбасары Динара Асанова ашып, латын әліпбиіне көшудің тиімділігі, оған жету жолындағы мүмкіндіктер туралы сөз қозғады. Мұнан соң «Рухани жаңғыру» бағдарламасы бойынша аудандық офистің өкілдері Қуандық Алдабергенов, Дариха Пазылбекқызы және Жаңатас көп салалы колледжінің директоры Нұрлан Түйкебаева жаңа әліпбиге көшу өркениетке жол ашатынын айтты. Акцияға 350-ге жуық жастар қатысты. Далада асық атудан, арқан тартудан жарыстар ұйымдастырылды.