Жуырда ғана өзінің 50 жылдық мерейтойын тойлаған Тараз мемлекеттік педагогикалық институты Қазақстан Республикасы Үкіметінің 2017 жылғы 26 қазандағы бұйрығымен бұрынғы Тараз мемлекеттік педагогикалық университеті болып өзгерді. «Елу жылда ел жаңа» демекші, бұл білім ордасы үшін үлкен жетістік. Оқу орнының тұңғыш ректоры – Машрап Абжанов. Осы кезге дейін білім ордасын 11 ректор басқарған. Ұлттық ғылым академиясының академигі, тарих ғылымдарының докторы Дария Қожамжарова ТарМПИ-ді 3 жылдан астам уақыттан бері басқарып келеді. Университетте бүгінде 7 факультет, 26 кафедра бар. 29 бакалавр мамандығы бойынша мұғалімдер даярлайды. Мұнда қазір 6 мың студент білім алады. Оларға 15 ғылым докторы, 200 ғылым кандидаты, 95 РҺD және 500-ге жуық оқытушы дәріс береді. Облыста 451 мектеп директоры бар болса, 200-і осы білім ордасының түлегі екен. Әр жылдары университет қабырғасынан аса талантты шәкірттер көп шықты. Мәртебең биіктей берсін, Тараз мемлекеттік педагогикалық университеті! Білікті ұстаздар даярлау жолындағы қызметтеріңіз абыройлы болғай!
«Ақ жол-Ақпарат».
Ұқсас жаңалықтар
Ертеңін ойлаған ел білім мен тәрбиеге ден қояды
- 12 қыркүйек, 2024
Жайлы мектептердің құрылыс барысын тексерді
- 10 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді