Қаракемердегі кездесу Қаракемер ауылындағы Төле би орта мектебіне аумақтағы мектеп кітапханашылары бас қосып, мұғалімдер және оқушылармен кездесу өткізді. Кездесуге қатысушылар жергілікті журналист Дүйсенбек Ормановтың «Дала дауысы», «Аққан жұлдыз», «Жеңіске үлес қосқандар» кітабымен танысты. Кездесуде аудандық білім бөлімінің бас маманы Гүлзира Акупова, Төле би мектебінің директоры Жанат Шардарбекова бұл кітап ауыл өмірінен жазылғандығымен онда туған өлке тарихы мен еңбеккер адамдар өмірінен сыр шертетінін кеңінен әңгімеледі. Мектеп оқушылары да өз ойларын айтып, кітаптың рухани байлық екеніне тоқталды.