поштаның қызмет түрлері көбейді «Қазпошта» акционерлік қоғамына қарасты аудандық пошта торабында халыққа қызмет көрсетудің жаңа түрлері ашылды.Сату нүктелерін жаңғырту нәтижесінде орталық оперативтік бөлімшесі жаңаланып, сәлемдеме супермаркет бөлімшесі мен заңды тұлғаларға қызмет көрсету бөлімі қызмет көрсетуді бастады. Бұл қызмет түрлері тұтынушыларға қолайлы әрі сапалы қызмет көрсетуді көздейді. Осы бағдарламаларды жүзеге асыру үшін пошта тасушыларға жаңа 2 «Нива» және «Ларгус» автокөлігі, 5 велосипед берілді. Қазіргі кезде жыл соңына дейін ғимарат сыртына халық сұранысына орай банкомат қондырғысын орнатуды жоспарлап отыр.