Ет экспорттау көлемі арта түсті «Мүйізді ірі қара малы етін экспортқа шығару әлеуетін арттыру» кешенді бағдарламасы аясында ауданда 2017 жылы 200 тонна сиыр, 20 тонна қой етін экспорттау жоспарланған. Ал «Меркі ет комбинаты» ЖШС Иран республикасының екі бірдей компаниясымен 4000 тонна қой етін жеткізіп беру жөнінде келісімшарт жасасып отыр. Бүгінгі күні 930 бас уақ мал сойылып, 160 тонна ет Иранға жөнелтілді. «Олжа» шаруа қожалығында 1469 бұқашық бордақыланып, олардан 340 тонна ет өндірілді. Ауданда басқа да бірқатар шаруа қожалықтары бірлесе мал бордақылау алаңдарын салуда.