Тауар өндірушіге де, тұрғындарға да тиімді Аудан орталығында ауыл шаруашылығы өнімдерінің жәрмеңкесі ұйымдастырылып, тұрғындардың азық-түлік тауарларын нарықтағыдан 10-20 пайызға төмен бағаға сатып алуларына мүмкіндік жасалды. Бұл күні, атап айтқанда, 2050 келі сиыр, жылқы және қой еті, 1,5 тоннаға жуық сүт және макарон өнімдері, 500 литрдей қымыз бен шұбат, 700 келі шұжық, екі мың дана жұмыртқа, 12,5 тонна бақша-көкөніс дақылдары, сондай-ақ 9 тоннадан астам арпа, бидай сатылымға шығарылды. Жәрмеңкеге ауданның барлық ауылдық округтері белсене атсалысты.