Жаңа балабақша есік ашты Жамбыл ауылында 75 орындық «Көгершін» балабақшасы мемлекеттік-жеке меншік әріптестік негізінде бүлдіршіндерге есігін айқара ашты. Оның тұсаукесер салтанатына қатысқан аудан әкімі Мейірхан Азатұлы биыл әріптестік негізінде осындай бес балалар бақшасы ашылып, 800-дей бала тәрбиеленуге алынатынын қуана жеткізді. Балабақшаға алғашқы күннің өзінде 50 бала қабылданып, өз жұмысын толыққанды бастап кетті.