Темір жолдың өткізу мүмкіндігі артады Отар және Шу стансалары аралығындағы темір жолдың екінші тармағының құрылысы қызу жүргізілуде. Бұған бөлінген 16 миллиард теңгенің 11,7 миллиард теңгесі игерілген. Қыркүйек айында бітуі жоспарланған жұмыс аяқталған соң шойын жолдың өткізу мүмкіндігі артып, пойыздар осыған дейінгідей қарама-қарсы келе жатқан пойызды өткізіп жіберу үшін разъездерде уақыт жоғалтып тоқтап тұрмайтын болады.