«Өрлеу» жобасы мұқтаждарға мүмкіндік береді Осыдан үш жыл бұрын тұрғындардың әлеуметтік жағдайын көтеру мақсатында «Өрлеу» жобасы бойынша шартты ақшалай көмек беріле бастады. Шартты ақшалай көмек – жан басына шаққандағы отбасының табысы күнкөріс деңгейінен 60 пайыз төмен отбасыларға ғана беріледі. Былтыр осы мақсатта республикалық және жергілікті бюджеттен бөлінген қаражат есебінен 152 отбасы қамтылды. Ал биыл мамыр айына дейін 114 отбасыдан 634 адамға шартты ақшалай көмек тағайындалды.