Сіңлілерім, қызғалдақ-аруларым
Сіңлілерім, қазғалдақ-аруларым,
Бір-бірінің жандырған тәуір бағын.
Қуансаңдар, көктем боп бар маңайым,
Мұңайсаңдар, еріксіз ауырладым.
Ұясына батқанша оралып күн,
Қызығына тоймадық балалықтың.
Ақ көбелек, ақ гүлдер арасында,
Арманшылдау қыз болып жаралыппын.
Иінағаш салып ап иықтарға,
Су тасыдық тұрса да тиіп қана.
Қол ұстасып барамыз шомылуға,
Тұрған кезде аптаптан күйіп дала.
Әке менен шешенің еркелері,
Сол бір кез қандай ыстық, көркем еді.
Оралмасын білгенде бал күндердің,
Жүрегім өз-өзінен өртенеді.
Ғайни Әлімбекқызы.
Тараз қаласы.
Ұқсас жаңалықтар
Мейрамбек Беспаев үшінші рет әке атанды
- Бүгін, 12:26
Ақпарат
АЭС салсақ - электр энергиясын экспорттаймыз
- 22 қыркүйек, 2024
Қазір қолдағы телефонға да қуат керек заман - Қадырбеков
- 22 қыркүйек, 2024
Алматылық қос азаматтың жазасы жеңілдетілді
- 30 тамыз, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді