«Бұл олимпиадаға 89 мемлекеттен 410 бала қатысады. Олар екі кезеңмен өтетін білім сайысы барысында 800-ден астам жұмыс жазатын болады. Мұншама мол жұмысты біз 2-3 күннің ішінде тексеріп бітіруіміз қажет. Тәжірибеміз аса көп болмағандықтан, көмекке 15-20 жыл олимпиадаға қатысып, ысылған шетелдік мамандарды шақырып отырмыз. Қазіргі біздің құрамада 5 бала бар. Оның 4-уі - 11-ші, 1-уі 10-шы сыныпта оқиды», - деді Е.Рысмағамбетов. Сонымен, физика пәнінен оқушылар арасындағы 45-ші Халықаралық олимпиадада Қазақстан намысын халықаралық Жәутіков олимпиадасының алтын, физикадан Азия олимпиадасының күміс, физикадан халықаралық олимпиаданың және республикалық олимпиаданың алтын медаль иегері Әмір Бралин, халықаралық Жәутіков олимпиадасының күміс, республикалық олимпиаданың алтын медаль иегері Данат Иса қорғамақ. Сондай-ақ, Республикалық олимпиаданың алтын, физикадан халықаралық олимпиаданың қола медаль иегері Дінмұхаммед Нұрбек, «Туймаада» халықаралық олимпиадасының қола, халықаралық Жәутіков олимпиадасының күміс, республикалық олимпиаданың алтын медаль иегері Нұрислам Тұрсынбек, жастар арасындағы халықаралық жаратылыстану ғылымдары олимпиадасының және халықаралық Жәутіков олимпиадасының күміс,  республикалық олимпиаданың алтын медаль иегері Дәулет Құрмантаев та осы айтулы білім додасында бақтарын сынайды.

Ақпарат көзі: www.kazinform.kz