600 оқушыға арналған жаңа мектеп Сарымолдаев ауылындағы В.Савва атындағы 600 орындық жаңа мектептің құрылысы қарқын алды. Өткен жылдың тамыз айында қазығы қағылып, құрылысы басталған мектепті салуға 952 миллион теңге бөлінген болатын. Құрылысты жүргізуші «ТаразҚұрылысДизайн» жауапкершілігі шектеулі серіктестігі нысанды уақытынан бұрын пайдалануға беруді қолға алып отыр.