Жұма күні Қытайдың оңтүстік-батысындағы Юньнань провинциясында болған магнитудасы 6,1 баллды құраған жер сілкінісінен жапа шеккендер саны 177 мың адамға жетті, деп хабарлайды ИТАР-ТАСС.

Табиғат апаты салдарынан 48 адам жарақаттанып, 45 мың азамат қауіпсіз жерге шығарылды. Жергілікті билік өкілдері хабарлағандай, 3,4 мың үй қирап, 21 мың баспана бұзылды. Олар тікелей экономикалық шығынды 1,7 млрд. юаньға (272 млн. доллар) бағалап отыр. Айта кетейік, зілзала жұма күні Бейжің уақытымен сағат 09:20-да Дай-Цзинпоск автономиялық округіне кіретін Инцзян уезінде болған, деп хабарлады Қытай сейсмикалық орталығынан. Жер сілкінісінен кейін магнитудасы 5,1 баллға дейінгі қуатпен 41 жерасты дүмпуі болды.