Қазақстан тәуелсіздігінің 25 жылдығына орай АҚШ пен Қазақстанның достығына арналған конкурс жарияланды.  Онда шетелдіктер қазақ тіліндегі  ең ұзын қанағаттандырылмағандықтарыңыздан сөзін шатаспай қайталауы керек.

Конкурсты АҚШ-тың Қазақстандағы елшілігі Facebook желісіндегі ресми парақшасы арқылы жариялап отыр. Мұны көрген қазақстандықтардың өздері таң қалған. Себебі олардың араларында осы бір ұзақ сөзді білмейтіндер көп екен. «Қанағаттандырылмағандықтарыңыздан» – сөзі 33 әріптен тұрады. Бұл сөзді қазірге бір ғана америкалық  Макайла дұрыс айтқан. Оның өзінде үшінші мәрте қайталағанында шатаспаған.