Қытайда соңғы 30 жылда болмаған алапат дауыл тұрып, ел тұрғындарын әбігерге салды. Мектептер мен жұмыс орындары түгелдей жабылды. Қоғамдық көліктер де жұмысын тоқтатты, деп хабарлайды vesti.ru.

 Бүкіл ұшақ рейстері кейінге шегеріліп, кемелер жолға шыға алмай отыр. Гонконгта сағатына 160 шақырым жылдамдықпен жел соғып тұр. Қаладағы ағаштар тамырымен  қопарылып, ғимараттар мен көліктерге зиянын тигізді.Бұған қоса, мегаполиске тропикалық жауын түсіп, жергілікті обсерватория 10 балдық дауылды ескерту жариялады. Метеорологтардың хабарлауынша, қазір циклон Қытайдың солтүстік-батысына қарай жылжып барады.