Бір жасар сәби бензин ішіп, қайтыс болды

author «Ақ жол»
1 тамыз, 2016
245

Қарағанды облыстық денсаулық сақтау басқармасының баспасөз хатшысы Айжан Исаның мәлімдегеніндей Балқаш қаласының бір жасар тұрғыны бензин ішіп қойып, қайтыс болды – дейді BAQ.kz порталы.

«30 шілде күні таңғы 5.40-та бензин ішіп ауруханаға түскен сәби қайтыс болды. Ауруханаға түскенде жағдайы тым ауыр еді. Қатты уланған, бас миы ісінген, осының бәрі өлімге алып келді», - деді Айжан Иса.

Бала 28 шілде күні Балқаш орталық ауруханасына жатқызылған болатын. Оның ата-анасының айтуынша, бір жасар бала пластик ыдыстан бензин ішіп қойған. Қазір баланың ата-анасына қатысты сотқа дейінгі тергеу амалдары басталды.

Ақпарат көзі: Baq.kz