Еуразиялық одақ туралы келісімшарттың институционалдық бөлімі нақты жіктеліп жазылған. Онда әр мемлекеттің тең құқылы екені анық айтылады. Бүгінде Еуразиялық экономикалық комиссия аясында 24 департамент жұмыс істейді. Соның шамамен 8-9 департаментінде қазақстандық өкілдер болады. Осылайша бірде бір мәселе біздің назарымыздан тыс қалмайды. Келісімшарттың институционалдық бөлімі бойынша журналистерге берген сұхбатында ҚР Сыртқы істер министрі Самат Ордабаев осылай деп мәлімдеді. Оның атап өтуінше, Еуразиялық экономикалық одақ пен оның комиссиясының барлық халықаралық қызметі қатаң бақылауға алынады.

Самат Ордабаев, ҚР Сыртқы істер министрінің орынбасары: «Болашақ одақтың бүкіл халықаралық қызметі Мемлекет басшыларының мақұлдауымен ғана іске асырылады. Мұны ерекше атап өткен себебім, бүгінде «біздің келісімсіз жаңа құжаттар жасалады, біздің ұлттық мүддеміз ескерілмей қалады» деген сөздер айтылып жүр. Олай болмайды».

Ақпарат көзі: www.24.kz