Бразилиялық «Атлетико Минейро» клубының ойыншысы Роналдиньо Рио-де-Жанейро қаласындағы үйін Әлем чемпионаты кезінде жалға беруге шешім қабылдады.

34 жастағы футболшы өз елінде өтетін Әлем чемпионатынан табыс табуды жөн деп шешкен. Алайда ол ойыншы ретінде теңбіл доп додасына қатыса алмайды. Футболшының парақшасында үйдің суреттері де жарияланған. Роналдиньоның үйін бір тәулікке жалға алу үшін 15 мың доллар төлеу қажет.