Еліміз 2020 жылға қарай жылына 100 мың автокөлік экспорттауды көздеп отыр. «2020 жылға қарай Қазақстан 100 мың автокөлікті экспорттауды жоспарлап отыр. Мұндай нәтижеге Еуразиялық экономикалық одақ құрудың арқасында қол жеткізуге болады», - деп көрсетілген Қазақстанның автобизнес қауымдастығының баспасөз хабарламасында. 2008-2013 жылдар аралығында ҚР-да автокөлік өндірісі 11,5 есе өскен, ақшалай алғанда 156,5 млрд. теңгені құрайды. 2013 жылы Шығыс Қазақстан мен Қостанай облысында 38 мың жеңіл автокөлік құрастырылған. Семейде Daewoo Bus және Алматы облысында «Hyundai Auto Trans» 1000-ға жуық автобус жасап шығарған. Барлық кәсіпорындардың айналымы 1 млрд. долларға жетті. Елде барлық сатылған машиналардың 22 пайызы жасалып, жүзеге асырылды. Қауымдастық президенті Андрей Лаврентьевтің пікірінше, ішкі нарық алдағы жылдары жылына 6 млрд доллар сомасында 300 мың жаңа автокөліктің сатылымына жетуі мүмкін. Бұл автокөліктердің 40 пайызын отандық кәсіпорындар өндіреді.