Елбасы Бурабай демалыс аймағында сұхбат берді
Елімізде табиғи демалыс орындары жетерлік. Олардың әрқайсысы әлемдік деңгейдегі курорттық аймаққа айналып отыр. Бұл туралы Мемлекет басшысы Нұрсұлтан Назарбаев Көкше төріндегі Бурабай демалыс орнында берген сұхбатында айтты. Елбасы көрікті мекеннің көз тартар сұлулығын тамашалап, көпшілік үшін жасалған жайлы жағдаймен танысты. Сондай-ақ, талай ақын-жазушының жырына арқау болған Бурабай аймағы жер шарындағы теңдессіз демалыс орны екенін тілге тиек етті. Нұрсұлтан Назарбаев, Қазақстан Республикасының Президенті: - Бурабай деген жерді халқымыз әнге қосып айтып кетті. «Жер шоқтығы – Көкшетау, бауыры толған көкше бау. Төңірегің сексен көл, исің жұпар аңқиды-ау», - деп Біржан сал айтып кетті емес пе? Сондықтан бұл тамаша жердің төңірегінде адам өлең айтпай, адамның творчествосы жоғарыламай болмайды. Бұл Қазақстанның ең бір әдемі, ең бір сағынышпен айтатын жердің біреуі сияқты. Мен үшін Алатау, Көкшетау екеуінің де орны бөлек. Бұл еліміздің өте әдемі жері. Бұны көркейту, өсіру, әрі қарай белгілі ету біз үшін үлкен мақсат болып саналады. Көкше төрінде Мемлекет басшысы берген сұхбаттың толық нұсқасын бүгін кешкі сағат 21:30-да 24.kz арнасынан көре аласыздар. Ақпарат көзі: www.24.kz
Ұқсас жаңалықтар
Ақордада кадрлық ауыс-түйіс болды
- 16 мамыр, 2024
Орталық Азияның қауіпсіздігіне жауапты тұлғалар басқосты
- 16 мамыр, 2024
Хабарландыру
Жапон құбылысының сегіз қағидасы
- Бүгін, 10:28
Қазақстандықтардың зейнетақы шотына алғашқы жарналар түсті
- 15 мамыр, 2024
Таразда электромобильдерді қуаттайтын бекеттер орнатылуда
- 14 мамыр, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді