Астана әкімі Әсет Исекешев Үндістанның Андхра-Прадеш штатының бас министрі Нара Чандрабабу Найду мырза бастаған делегациямен кездесті. Бұл туралы қалалық әкімдіктің баспасөз қызметі хабарлады. Шетелдік қонақтар Қазақстанның елорданы ауыстыру бойынша тәжірибесіне қызығушылық танытты. Олар Астанаға екінші рет келіп отыр. Кездесуге Үндістанның ірі компанияларының өкілдері қатысты. Тараптар қала құрылысын жоспарлау, инвестициялар және туризм салаларында екіжақты ынтымақтастықтың зор әлеуеті бар екендігі атап өтілді. Айта кетейік, Андхра-Прадеш штаты Үндістанның оңтүстік-шығыс жағалауында орналасқан. Аталған өңір ауыл шаруашылық, электроника және ақпараттық технологиялар, пайдалы қазбаларды өндіру, фармацевтика және биотехнология салаларында жетекші орында. Штат халқының саны 50 млн. адамға жуық.  

Ақпарат көзі: Қазақ газеттері ЖШС.