Жаңа Зеландия тұрғынының мысығы үйге есірткі алып келгеннен кейін, азаматша жануарды осы әрекеті үшін полицияға алып баруға мәжбүр болған, деп жазады шетелдік БАҚ.

Жергілікті полиция сержанты Риса Мунроның сөзіне қарағанда, оларға кешкі сағат 18:00 кезінде аталмыш әйел телефон шалып, мысығы үйіне шағын қаптамадағы есірткіні алып келгеніне алаңдаулы екенін айтып берген. Аталған қаптамадағы марихуана есірткісі шамамен 100-150 долларға бағаланып отыр. «Мысықтар үйге көбінесе құстардың, тышқандардың өлігін алып келеді, ал мұндай оқиғаға алғаш тап болып отырмыз», – дейді сержант. Қазіргі кезде есірткі салынған қаптама зертханаға тапсырылып, оның нақты иесінің саусақ іздері тексерілуде.