«Ойбай, бүгін ҰБТ, Дайындалу керек» – деп, Жас түлектің анасы, Баласын жүр өбектеп. – Киімің қайда, Туфлиіңді майла, Мә, жылы су, Үсті-басыңды жу. Шашыңды тара, Айнаға қара, Қорықпа, ұялма, Берілме қиялға, Артыңдағы, алдыңдағы, Қасыңдағы жанның бәрі, Жақсы оқитын достарың ғой, Көмектеседі, сұрай бер, Әйтеуір бәріне ұнай бер. 120 балл алып, қуаныштан 120-мен ұшып кел, Үйтіп-бүйтіп балам, грантқа түсіп кел! – деп анасы батасын беріп, төгіліп тұр, көз жасына ерік беріп, егіліп тұр. Ал жас түлек болса, жаңа ғана ұйқысынан оянып, «Тыныштық па, не болды?..» – деп, керіліп тұр.