«Үлгілі» ауылының маңындағы қабірстан аумағы бір кездері қараусыз қалып, аяқасты болып жатты, мүрделердің үстіне шығып, мал да жайылатын. Киров атындағы кеңшарға Әбілда Қойбасов директор, Әбілек Білдебаев ауылдық кеңестің төрағасы болып келген жылдары тұрғындардың талап-өтініштері бойынша қабірстанның атшаптырымдай айналасы темір қоршаумен қоршалған болатын. Кейінгі жылдары ауқымы тарыла түсуіне байланысты бұл мақсатқа қосымша 2,5 гектар жер бөлінген. «Үлгілі-205» жауапкершілігі шектеулі серіктестігінің төрағасы Бақытжан Еркебаев өз қалтасынан 1 миллион теңгеден астам қаржы шығарып, айналасы ашық-шашық жатқан аумақты түгел қоршатып берді. Бақытжанның бұдан он жыл бұрын ауыл мектебінің төңірегіне темір қоршау орнатқаны тұрғындардың есінен шыға қойған жоқ. Әр кезде де халықтың қамын ойлап жүретін кәсіпкер азаматтың қайырымды ісіне үлгіліліктердің айтар алғыстары шексіз.
Есіркеп СЕРІКБАЙҰЛЫ, еңбек ардагері.
Үлгілі ауылы, Байзақ ауданы.
Ұқсас жаңалықтар
Жамбыл облысы әкімі аппараты басшысының жаңа орынбасары тағайындалды
- 20 қыркүйек, 2024
АЭС – маңызды шешімдер кезеңі
- 20 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді