Тараздық ардагерлер таңғалдырды Республикалық аудандық және қалалық ардагерлер ұйымдары арасында өткізілген конкурс мәресіне жетті. «Ардагерлер ұйымы» қоғамдық бірлестігі ұйымдастырған шарада бірнеше аталым бойынша ардагерлер бірлестіктерінің жұмыстарына баға берілді. Аталған байқауға өз жұмыстарын ұсынған Тараз қалалық ардагерлер ұйымы 1-орынды жеңіп алып, 50 мың теңге сыйлыққа ие болды. Олар жастарға патриоттық тәрбие беру ісін дұрыс ұйымдастырғаны және өз жұмыстарын кеңірек насихаттағаны үшін үздік атанып отыр.