«Химиктер қалашығына» автобус бағыттары ұзаратын болды
- author «Ақ жол»
- 31 наурыз, 2016
- 221
Осы жылғы 27 ақпанда «Ақ жол» газетінің (№24 (18218) кезекті санында Тараз қаласының тұрғыны, зейнеткер Барат Мыңбосыновтың «Құлаққағыс» айдарымен берілген «Автобус бағыттары ұзартылса» атты мақаласы жарық көрген болатын. Ол мақалада автор қаланың «Химиктер қалашығы» және «Астана» ықшам ауданы аумақтарына қоғамдық көліктің сирек жүретіндігін айтып, мәселе көтерген еді. Осыған орай редакцияға Тараз қаласы әкімі аппарат жетекшісі Жандос Өмірзақовтың атынан жауап хат келіп түсті. Ол хатта «Бүгінгі күні «Химиктер қалашығы» аумағына қаламыздың әр аумағынан тоғыз автобус бағыттары (№11, №20, №18, №58, №7, №31, №28, №36, №44) қатынайды. Осы аумақтағы қалалық аурухананың құрылысы аяқталуына жақын қалуына байланысты аталған аумаққа қосымша бірнеше қоғамдық көлік бағыттарының жүргізілуін жоспарлап отырмыз. Бұл ретте сіздердің ұсынып отырған бағыттарыңыз да бар екенін хабарлаймыз» делінген. Осы жауапқа қарағанда, зейнеткер Б.Мыңбосынов көтерген мәселе көп ұзамай оң шешімін табатынына сенімдіміз.
Ұқсас жаңалықтар
Жамбыл облысы әкімі аппараты басшысының жаңа орынбасары тағайындалды
- 20 қыркүйек, 2024
АЭС – маңызды шешімдер кезеңі
- 20 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді