Мадридтіктер ашқан жаңалық Суға түскен қалта телефон енді кәдеге жарайды. 20 жастағы екі испан жігіті телефонды қалыпқа келтіре алатын химиялық ерітіндіні ойлап тапқан. Мадрид қаласының тұрғындары өздерінің ғылыми өнертабысын «Waterrevive Blue» деп атаған. Олар қазір бұл өнімді қаланың қырыққа жуық сауда орнында сатуға шығарып үлгерген. Өзінің тиімділігін 98%-ға дәлелдеген бұл сұйықтықты ішінде ауасы жоқ пакетке құйып, телефонды небәрі 7 минутқа салып қою керек. Бұдан соң телефонды бір тәулік кептіру қажет. Осыдан кейін телефон жұмыс істейтін болады.