№16 «Жуалы» колледжінде «Ер – елдің есінде» атты мерекелік кеш өтті. Бұл шараға Ұлы Отан соғысының ардагерлері Елеш Үсенбаев пен Анна Попова, 91678 әскери бөлімінің офицерлері мен барлау тобының сарбаздары қатысты. Колледж ауласында осы білім ордасының алғашқы әскери дайындық пәнінің оқытушысы Айдар Болбырақов білімгерлерді сапқа тұрғызып, колледж директорына рапорт берді. Осыдан кейін мемлекеттік Әнұран орындалып, мемлекеттік Ту көтерілді.