Басқа-басқа, ескі дөңгелектен жасалынған жанажылдық «шыршаны» көреміз деп кім ойлаған?! Алматылық техника жөндеу орталығының мамандары Жаңа жыл қарсаңында мереке нышаны – шыршаны ескі дөңгелектерден орнатыпты. Несі бар? Көзге ерсі емес, қайта жасыл түске боялған баллондар жинақы, ерекше шыршаға айналғаны әдемі көрініп тұр. Дағдарыс кезіндегі қиындықта мұндай шырша орнату бір жағы көшеге сән берсе әрі қалтаға да онша жүк емес. Алматылықтардың бұл тапқырлықтары мереке аясында көпшілікке көтеріңкі көңіл күй сыйлап, қызығушылықтарын оятуда.