Талдықорғанда мешіттен аяқ киім ұрлағандар видеоға түсіп қалды, - деп хабарлайдыTengrinews TV. Видеожазбаны Интернетте аяқ киімі жоғалған жігіттің бауыры Салауат Еркебаев жариялапты. Видеодан белгісіз ер адамның мешітке кіріп, аяқ киімін шешіп, оны шкафқа қойғаннан кейін ішке кіргенін көруге болады. Бірақ біршама уақыт өткенде ол шығып, телефон арқылы сөйлесе бастайды. Салауаттың айтуынша, ер адам телефон арқылы сөйлесіп тұрғанда өзіне аяқ киім таңдаумен болған. Төрт минутқа созылған видеоның соңында ер адам бөтен адамның аяқ киімін киеді де, кетіп қалады. Қазіргі уақытта ағайындылар видеодағы ер адамды іздестіріп жатыр, тіпті мәлімет бергендерге сыйақы да дайындап отыр екен. Оқиға 2015 жылдың 11 желтоқсанында болған.

ақпарат көзі tengrinews.kz