Тұңғыш Президент күні мерекесі қарсаңында Тараз қаласындағы №25 орта мектебінде Елбасымыз Нұрсұлтан Назарбаевтың тағылымды қызметі мен өмірбаяны туралы сынып сағаттары өткізілді. Тұңғыш Елбасының күніне байланысты 9-10 сынып аралығында мектепішілік конференция болып өтті. «Елін сүйген, елі сүйген Елбасы», «Елбасы – ел қалауы, тірегіміз», «Менің Тұңғыш Президентім!», «Қазақ елінің ұлттық идеясы – «Мәңгілік Ел» атты тақырыпта баяндамалар тыңдалды. Оқушылар Отанға қызмет етудегі Елбасының ерен еңбектерін ой елегінен өткізіп, білім мен тәрбиені ұштастыра отырып Қазақстанның жарқын болашағына үлес қосуды мақсат тұтатындарын және мемлекеттік мерекелер санатына қосылған Тұңғыш Президент күнін Ұлт Көшбасшысына берілген халықтың кұрметі екенін тілге тиек етті. Қазақстандықтар өз Отаны мен Президентін мақтан тұтады. Қазақстан азаматы болу – зор абырой және биік мәртебе. Сондықтан Отанымызды қастер тұтып, тәуелсіз Қазақстанның Тұңғыш Президентіне сенім арту – әрқайсымыздың азаматтық парызымыз. Ел келешегі ертеңгі жастар бүгін мектеп қабырғасында жүр. Олардың бойына отансүйгіштік қасиетті дарыту – қасиетті іс. Мұны ұстаздар қауымы жақсы біледі. Өйткені кең-байтақ Қазақстанды гүлдендіретін, оның баянды болашағы жолында еңбек ететін жастардың бүгінгі қадам алысы қуантады.
Тараз қаласы.
Ұқсас жаңалықтар
Ертеңін ойлаған ел білім мен тәрбиеге ден қояды
- 12 қыркүйек, 2024
Жайлы мектептердің құрылыс барысын тексерді
- 10 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді