Шу
Сары Хасенов атындағы стадионда «Жастар орталығы» КММ-нің ұйымдастыруымен «Жастар есірткіге қарсы!» ұранымен аудан жастары арасында спартакиада өтті. Ауыл округтерінен келген спортшылар кіші футбол, қол күрес, арқан тарту, эстафеталық ойындардан бақ сынап, бабын танытты. Төле би ауылындағы М.Мақатаев атындағы тірек мектебінің намысын қорғаған ерлер мен әйелдер тобы эстафетада топ жарса, білек күшінің бәсекесінде Шу темір жол колледжі мен С.Шәкіров атындағы мектеп ұжымы жеңіс тұғырына жайғасты. Арқан тартыста ЭЧ-22 мекемесі, ал аяқдоп жарысында «Қосқұдық» командасы үздік орынды қанжығалады. Жеңімпаздар сыйлықтармен және мақтау қағазымен марапатталды.
Ұқсас жаңалықтар
