- Advertisement -

Сүйікті «Келін» қайта оралады!

108

- Advertisement -

Барлық жанкүйерлерді қуанышты хабармен құттықтай келе, көптен күткен «Келін» телесериалының жаңа маусымының басталуын асыға күтеміз. «Қазақстан» Ұлттық телеарнасы көрермендердің жүрегін жаулап алған басты кейіпкердің шытырман оқиғаларға толы тағдыры жайлы шынайы түсірілген «Келін» сериалының жаңа маусымының ашылуымен қуантпақ.
Еліміздің түпкір-түпкірінде, алыс ауылдардан бастап, үлкен қалаларда тұратын көптеген жанкүйерлер «Қазақстан» телеарнасының редакциясына және әлеуметтік желілерде (ВКонтакте, Facebook, Twitter, Instagram) хаттар жолдап, эфирде «Келін» сериалының жалғасын қоюды өтіне сұрауда. Бұл хаттардан аға буын өкілдерінен бастап жастарымызға дейін аталған жобаға деген халықтың махаббаттын көруге болады.
Мысалы, үзінділер келтіре кетсек, Астана қаласының тұрғындары Жүсіповтер, Амангелдиевтер және Бейсембектердің отбасылары былай деп жазады, «…Бұл сериал бізді жарқын бояуларымен, әдемі бет-бейнелерімен баурап қана қоймай, сол сияқты кейіпкерлердің бір-біріне деген қарым-қатынасы, үлкендерге деген құрметі, қазақ дәстүріне өте ұқсас болғандықтан тәнті етті. Бұл сериалда бәрі дерлік дұрыс: ене мен келін, шеше мен қыздың, әже мен немеренің, ағайындардың арасындағы қарым-қатынастардың өте орынды екенін жеткізгіміз келеді!…Біз сериалдың кейіпкерлерін жақсы көріп қалдық. «Қазақстан» арнасы «Келін» сериалының көрсетілімін тоқтатқанда түңіліп қалдық».
Қызылорда облысынан Алмагүл Мырзабек өзінің хатында былай дейді: «…Біздің ауылда барлығы дерлік «Келін» сериалын көреді. Неге аталған сериалды қайтадан эфирге бермеске? Меніңше Үндінің мәдениеті, отбасылық қағидалары біздің менталитетке өте ұқсас. …Біз олардың тілін, дінін алмаймыз ғой, үлкенге деген құрметін, көрегенділігін аламыз. Сондықтан сериал жалғасын тапса екен. Біз Сіздердің көрермен ойын қатты бағалап, өтінішімізді жерде қалдырмайтындарыңызға сенеміз…».
«Қазақстан» телеарнасы өз көрермендерінің осы сынды сұрауларын ескере отырып, жаңа маусымда сериалдың көрсетілімін жалғастырмақ. Бұл керемет актерлік құрамы бар, әдемі киім үлгілерімен, қайталанбас шығыс колориті бар Үнді кинематографиясындағы режиссерлердің ең үздік туындыларының бірі болып табылады. Жаңа маусымда көрермендерді көгілдір экранда көптеген сезімдерге толы ғажап сәттер, құштарлық пен толқулар және шытырман оқиғалар күтіп тұр.
Еліміздегі ең күтіліп отырған «Келін» телеоқиғасы көрермендеріне көптеген тосын сыйлар сыйлауға уәде береді!

«Келін» телесериалын «Қазақстан» телеарнасының эфирінде 21-ші қыркүйектен бастап дүйсенбі-жұма аралығында 22:00-де тамашалаңыздар.

Comments are closed.

Page Reader Press Enter to Read Page Content Out Loud Press Enter to Pause or Restart Reading Page Content Out Loud Press Enter to Stop Reading Page Content Out Loud Screen Reader Support