![Автобекет айрықша абаттанады](https://aqjolgazet.kz/uploads/resized-images/2024/04/1200.jpg)
Қазақ хандығының 550 жылдық мерейтойы қарсаңында тарихи Тараз шаһарында тағы бір нысан – автобекет айрықша реңкке ие болып, абаттана түсуде. Мұндағы көріктендіру жұмыстарына Солтүстік Қазақстан облысы 50 миллион теңге көлемінде қаражат бөлді. Біраз уақыт бұрын басталған шаруаны мердігер компания байзақтық «Бурыл-Бетон» жауапкершілігі шектеулі серіктестігі жүргізуде. Құрылыс басына барғанымызда еңбекке тартылған 25 адамның тынымсыз тер төгіп жатқанын көрдік. Жұмысшылардың орташа айлық табысы – 80-90 мың теңге көлемінде екен. Автобекет маңында жобаға сәйес субұрқақ салынады. Күніне мыңдаған жолаушы сапарға шығатын нысанның айналасы гүлдермен көмкеріліп, жасыл төсеніштер төселеді. Жағалай жарық шамдар қойылады. – Автобекет – мыңдаған жолаушылардың аялдайтын орны. Сондықтан, мұндағы абаттандыру ерекше үлгіде болуы тиіс. Сол жағына баса ден қойдық. Субұрқақтан су атқылап, түрлі гүлдер төңіректі сәнге бөлегенде, келушілердің көңілдері де көтерілетіні белгілі. Жұмысқа 5-6 техника жұмылдырылған. Жұмысымыз кестеге сай жүргізіліп жатыр, – дейді «Бурыл-Бетон» ЖШС-ның аға прорабы Христафор Врасиди.
Есет Досалы, «Ақ жол». Тараз қаласы.
Ұқсас жаңалықтар
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді