Apple iPhone смартфонының жаңа моделін 9 қыркүйекте таныстырады - БАҚ. Бұл туралы BuzzFeed ресурсының шолушысы Джон Пачковски (John Paczkowski) жазды. Айта кетейік, автор Apple өнімінің бұған дейінгі таныстырылымдарының мерзімін де дәл атаған болатын. Apple компаниясының жоспарымен таныс адамдарға сілтеме жасаған Пачковскидің айтуынша, компания жаңа iPhone моделін келесі айдың екінші аптасында, 9 қыркүйекте таныстыруы мүмкін. Өткен жылы iPhone 6 мен iPhone 6 Plus осы күні таныстырылған болатын. Бұл шарада қонақтардың назарында iPhone 6s және iPhone 6s Plus болады. Екі модельде де Force Touch технологиясы қолданылағн дисплейі болады деп күтіліп отыр.