Қырғызстан 6 тамыздан бастап Еуразия экономикалық одағына (ЕАЭО) толықтай мүше болады деген ақпарат дұрыс емес деп хабарлады 6 шілде күні осы елдің экономика министрлігіне сілтеме жасаған Азаттықтың Қырғыз редакциясы.

Министрлік дерегінше, Қырғызстанның ЕАЭО-ға нақты қашан кіретіні белгісіз, әзірге ЕАЭО мүшелері Ресей, Қазақстан, Беларусь және Армениямен келісім жасалмаған.

4 тамызда Астана Қырғызстанның ЕАЭО құрамына қосылу келісімін, ЕАЭО туралы келісімге өзгерістер енгізу туралы хаттаманы және жекелеген халықаралық келісімдерді ратификациялаған.

Мұның алдында мұндай құжаттарды Ресей, Беларусь және Армения президенттері мақұлдаған.

Еске сала кетсек, бұған дейін қырғыз-қазақ шекарасындағы кедендік бақылаудың күші жойылғанын хабарлаған едік.