Өткен тәуліктің ішінде Меркі және Шу аудандарының аумағында бірнеше оқ-дәрі табылды, деп хабарлады Жамбыл облыстық ТЖД-нің баспасөз қызметінен.
«Меркі ауданының Тәтті ауылдық аймағында, Қарасу ауылына жақын жердегі зиратта жергілікті жасөспірімдер бір Ф-1 гранатасын тауып алған, кейін оның жаттығу гранатасы екені анықталды. Облыстық ІІД-нің «Арлан» арнайы бөлімшесінің саперлері тергеу шараларын өткізу үшін жарылғыш затты алып кетті», - делінген хабарламада.
Оқиға орнына, Меркі ауданында өрт сөндіру цистернасын қоса алғанда, жеті техникамен 24 адам барып жетті.
Бұдан басқа, Шу ауданының Бірлік ауылындағы жекеменшік тұрғын үйдің ауласында жалға алушы гаражды жинаған кезде оның ішінен екі Ф-1 гранатасы мен бір РГД-5 гранатасын және 4 пластитті анықтаған.
«Бұл жарылғыш заттардың жаттығуға арналғаны анықталды. Шу ауданы ІІБ-нің жедел-тергеу тобы тергеу шараларын өткізу үшін оларды алып кетті», - деп хабарлады облыстық ТЖД-дан.
Ұқсас жаңалықтар
Туа біткен жүрек ақауын емдеудің жаңа әдісі табылды
- 17 қыркүйек, 2024
Тұмауға қарсы екпе салу басталды
- 17 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді