Француз әуесқой-археологтары шамамен 560 мың жыл бұрын дүниеге келген адамның тісін тапты, деп хабарлады РИА Новости.

Тіс Перпиньян қаласының маңында орналасқан Кон-д'Араго үңгірінен табылды. Ғалымдардың айтуынша, тістің жасы ғылымға белгілі ең көне «еуропалықтардың» жасынан шамамен 100 мың жылдай көп.

 «Бұл ересек адамның тісі, алайда оның ер немесе әйел адам болғанын айта алмаймыз. Тістің жасы 550-ден 580 мың жылға дейін болуы мүмкін»,-дейді палеоантрополог Амели Виалет.