АҚШ вице-президенті Джо Байден жұрт алдына беті көгеріп шықты. Бұл туралы РИА «Новости» хабарлады. 20 шілде күні мүгедектер туралы заңның қабылданғанына 25 жыл толуына орай Ақ үйдің Шығыс залында салтанатты шара өтті. Осы шараға қатысқан АҚШ вице-президенті ел алдына ернінен сәл төменгі жағы көгеріп шыққан. Оны суреттен анық байқауға болады. ABC NEWS телеарнасының хабарлауынша, АҚШ вице-президенті Джо Байден бұл жеңіл жарақатты итімен ойнап жүріп алған. Салтанат кезінде Джо Байден сөз сөйлемеген, алайда, Барак Обаманың қасында езуін жимаған күйі көңілді тұрды. Байденнің өзі де «Чемпион» есімді итімен ойнап жүріп, бетін көгертіп алғанын айтқан. Телеарнаның мәлімдеуінше, АҚШ вице-президентінің отбасында неміс овчаркасы бар. Кейде Джо Байден қоғамдық іс-шараларға сол итімен бірге келеді. Ақпарат көзі: http://egemen.kz/2015/07/21/70634