Алматыда қымбат көліктерді өртеуші бейнебақылау камерасына түсіп қалды.

Қылмыскердің әрекеті түсіп қалған видеоны Motor.kz-ке пайдаланушы Дмитрий Голубинский жіберген.

Порталдың мәліметіне сәйкес, өртеуші Toyota Land Cruiser көліктерін жоюға әуестенген: өткен айда бұл маркылы 4 көлік пен бір Toyota Sequoia өртке оранған.

Екі көлікті қылмыскер Жамбыл көшесінің бойында 6 шілде күні өртеген. 8 шілдеде үшінші көлік Брусиловский көшесінде өртелінді. Сонымен қатар Тургут Озал көшесінде Toyota Sequoia-ға да өрт қойылған.

Соңғы өртті 14 шілде күні Сәтбаев көшесінде ұйымдастырған қаскөй камераға түсіп қалған. Бұл жолы өртеуші Toyota Land Cruiser Prado 150 көлігін өртеп жіберген.