Мәскеуде Айт мерекесінің тойлануы аспаннан видеоға түсірілді, - деп хабарлайды TengrinewsTV.  Квадракоптер көмегімен түсірілген видеоны Russia today сайты жариялады.

Ораза айт мерекесіне арналған шараға қатысу үшін мешітке 160 мың адам жиналды. Видеодан олардың таңғы намазды оқығанын көруге болады.

Айта кетейік, Қазақстан мұсылмандары үш күндік Ораза айт мерекесін тойлап жатыр, оның басы биыл жұмаға, 17 шілдеге келіп отыр. Осы мерекеге орай Қазақстан Республикасының Президенті Нұрсұлтан Назарбаев қазақстандықтарға құттықтау жолдады.