Алдын ала болжам бойынша, өлтірілген лаңкестер Қазақстанда құрылған экстремистік топтың өкілдері болуы мүмкін. Олар Қырғызстанға өз қатарын толтыру үшін келген деген болжам да бар. Дегенмен, ҚР СІМ бұл жайтқа байланысты әлі мәліметті әлі растаған жоқ. Ведомство өкілдері содырлардың азаматтығын анықтаумен айналысып жатыр. Айта кетейік, кеше Бішкек қаласында арнайы операция барысында 4 лаңкестің көзі жойылған болатын. Сондай-ақ, құқық қорғаушылар тарапынан 4 адам жарақат алды. Олар қазіргі таңда арнайы госпитальде ем қабылдап жатыр. Дәл осы күні Бішкектің өзге ауданында жүргізілген операция кезінде тағы екі содырдың көзі жойылды. Белгілі болғандай, өлтірілген лаңкестерден бөлек арнайы жасақ олардың бірнешеуін тірідей ұстады. Әзірге олардың саны нақтыланған жоқ.