Қытай ғалымдары Непалдағы сәуірде болған қуатты жер сілкінісі Эверест тауын үш сантиметрге жылжытқанын анықтады. Қытай картография және геоақпарат ұлттық әкімшілігінің нақтылауынша, тау биіктігі табиғи апат салдарынан өзгеріске ұшырамаған. Зерттеушілер Непал астанасы Катманду жер дүмпуі салдарынан екі метрге жылжығанын анықтады. 25 сәуірде орын алған магнитудасы 7,8 қуатты жер сілкінісі салдарынан 8 мыңнан астам адам қаза тапты, жер асты дүмпулерінен қар көшкіні жүріп өтті.