Қазақ хандығының 550 жылдығына орай, елімізде төл тарихымызды тану жолында игілікті істер қолға алынуда. Біздің көне Тараз қаласында да бұл бағытта жүйелі жұмыстар жүргізілуде. Сондай шараның бірі – «Тараз-Ғасыр» колледжінің ұйымдастыруымен «Тәуелсіз Қазақстан: мемлекеттігінің қалыптасу тарихы мен қоғамдық-саяси дамуы» атты білімгерлер мен оқушылар арасында Х ғылыми-тәжірибелік конференциясы өтті. Конференция барысында бұдан 550 жыл бұрын Шу мен Талас өзенінің бойында құрылған алғашқы Қазақ хандығының тарихы егжей-тегжейлі сөз болды. Жастардың ата-баба тарихын білсем деген құштарлығы сүйсінтті. Тәуелсіздік жылдары баспалардан жарық көрген тарихи кітаптарымыздың құндылығы паш етілді. Осыған орай конференцияға қатысушылар «Қазақ хандығының күні» белгіленсе деген пікірлерін білдірді. Конференция барысында Тараз қаласындағы №25 мектептің 8 «В» сынып оқушысы Ботагөз Үсіпбай І орынды иеленді. Озат оқушыны бұл додаға осы мектептің тарих пәнінің мұғалімі Сайра Сұранова дайындады.
«Ақ жол-Ақпарат».
Ұқсас жаңалықтар
Ертеңін ойлаған ел білім мен тәрбиеге ден қояды
- 12 қыркүйек, 2024
Жайлы мектептердің құрылыс барысын тексерді
- 10 қыркүйек, 2024
Ақпарат
Алматылық қос азаматтың жазасы жеңілдетілді
- 30 тамыз, 2024
Президент эстрада әншісін «Барыс» орденімен марапаттады
- 22 шілде, 2024
Газетке жазылу
«Aulieata-Media» серіктестігі газетке онлайн жазылу тетігін алғаш «Halyk bank» қосымшасына енгізді