Ұлы Жеңістің 70 жылдығы қарсаңында қанды шайқаста қаһармандық танытқан қайтпас ерлеріміздің құрметіне орнатылған ескерткіштер мен белгілер қайта жөндеуден өтуде. Аудан орталығы Сарыкемер ауылындағы «Батырлар аллеясына» аудандық бюджеттен 9 миллион 782 мың теңге бөлініп, бүгінде бұл қаржыға аллеяның аты жазылған қақпа, оның маңындағы субұрқақ және «Қайғылы ана» ескерткіші жаңаруда. Мұндай ағымдағы жөндеулер Көктал, Түймекент елді мекендеріндегі Отан қорғаушылар ескерткіштерінде де жүргізілуде.