Магниттік жастықшалармен жүретін жапондық пойыз сағатына 603 шақырым жылдамдықпен жүріп өтіп, әлемдік рекордты жаңартты деп жазады жергілікті БАҚ өкілдері.

Рекордқа мамандар жолаушыларсыз, Яманаси префек-турасындағы Фудзи тауының етегінде орналасқан сынақ алаңында қол жеткізді. Жапон билігі жақын күндері аталған пойызды іске қосатынын мәлімдеп отыр. Ол Токио мен Нагоя қалаларының арасын жалғамақ. 208 шақырым болатын қашықтықты аталған пойыз небәрі 40 минутта жүріп өтеді. Айта кетейік, бұған дейінгі пойыз жылдамдығының рекорды осы Жапонияда биыл 16 сәуір күні орнаған болатын. Ол кезде осы тектес пойыз сағатына 590 шақырымды бағындырған.