4 сәуір күні Қытайдың Шынжаң өлкесі Алтай аймағы Көктоғай ауданы Балертіс ауылында тұратын қазақ азаматы 9 килограмм алтын тауып алды деп хабарлайды қамшы.кз сайты. Аталған ақпарат және фотосуреттер WeChat әлеуметтік желісі арқылы таралған. Естеріңізге сала кетейік, осыған дейін Қытайдың Алтай аймағы Шіңгіл ауданында тұратын қандасымыз да 8 килограмм кесек алтын тауып алған еді. Ол 5 миллион юаньға (830 мың АҚШ доллары шамасында) сатылды. Әлемде бұндай кесек алтындар жиі ұшыраса бермейді, алтын кендерінің өзінде де тым сирек кездеседі екен. Бұл да болса Жаратқанның қандастарымызға бұйыртқан кезекті несібесі болар.

«Ақ жол-Ақпарат».