Тұрар Рысқұлов ауданының орталығы Құлан ауылында «Менің елім – Қазақстан» тақырыбында патриоттық әндер байқауы өткізілді. Жастардың патриоттық сезімін арттырып, ұлтаралық татулықты нығайтуға арналған өнер аламанына мектеп оқушылары қатысты. Аудандық Мәдениет үйі мен жастар орталығының бірлесе ұйымдастыруымен өткен шарада ұлттық рухты жанитын патриоттық әндер шырқалды. Нәтижесінде Т. Рысқұлов атындағы орта мектептің оқушысы С. Жаулыбай бас жүлдені иеленсе, №1 мектеп-лицейдің оқушысы Ж. Жұмабаев 1-орынға, №2 орта мектептің оқушысы Ә. Қазбайтегі 2-орынға, Ш. Уәлиханов атындағы орта мектептің оқушысы А. Азимова мен №1 мектеп-лицейдің оқушысы Н. Сайлаубек 3-орынға лайық деп танылды. Байқауға қатысушылар жұртшылықты кезектен тыс сайлауға белсене қатысуға шақырды.

Т.Рысқұлов ауданы.