Дидар Амантай, Шәкен Айманов атындағы «Қазақфильм» АҚ вице-президенті.

– Бұл негізгі идеясы Елбасының жүргізіп отырған жастар саясатының қаншалықты жастарға тиімді екендігін, олардың қаншалықты қамқорлықта болып отырғандығын көрсету үшін түсірілген фильм деп айтуға болады. Өздеріңізге белгілі, мемлекетіміз қабылдаған «Нұрлы жол», «Қазақстан-2050» деген бағдарламалар бар. Сол бағдарламалардың негізінде жатқан жастарға қамқорлық жасау және жастардың жағдайын жасай отырып олардың өз күштері, өз білімдері арқылы аңсаған арман-мақсаттарына жету туралы тамаша көрсетілген. Бұл фильмде өзінің елін сүйген азаматтың шетелде қаншалықты табысқа жетсе де, өз еліне келіп, болып жатқан өзгерістерді байқап өз Отанының дамуына үлес қосамын деген ниеттен туған тамаша бір философиялық тұжырымдары бар. Актерлердің шынайы ойыны арқылы көрермендерді баурап алатын бұл фильмді біз адами фильм, кісілік туралы фильм, патриотизм туралы фильм деп айтуымызға болады.